واقعا لا اعرف ما اقول.
الشيخ مجيد العقابي
سنين ونحن ندعوا الى عدم نشر كل شيء.
اذا كانت الحكومة الرشيدة لا تعرف انها تروج للفساد فكيف بعامة الناس؟
تفاصيل الجريمة الكذائية
تفاصيل القصة الكذائية
قبل قليل شاهدت مقطع بالفيس وهو جزء من لقاء تلفازي يشاهده الملايين عن تفاصيل طفلة كذا وكذا.
معقولة الي جاي يصير.
شنو هالاسفاف واشاعة الفاحشة في المجتمع
شنو هالنشر للتفاصيل بحجة الدفاع عن الضحية وغيرها من الحجج؟
المشكلة هسه لو يكون التعاطف مع المحرومين او المحتاجين ويتم النشر مع عدم ذكر الاسماء واظهار صورهم حفاظا على كرامتهم نكول ميخالف لان بيها جانب انساني وشيء جيد ان يساهم البعض برفع الحيف عن الفقير.
لكن تطرح قصة اغتصاب بهذا الشكل. والله انا عقلي راح يوكف.
اقسم بمن رفع السماء بلا عمد لو كنت مسؤول ثاني اجراء اتخذته هو رقابة القنوات والاعلام والتكنلوجيا واذا واحد كال حقوق وحرية واعلام ادخله اختبار اعلامي صدك صحفي صدك وانطي رخصه ويتفضل ينتقد.
اما اتركه براحته بجهله وحماقته ينشر الجريمة ويدمر مجتمعي لا بالله.
كافي كل حادثة توصل ترند الي ما سمع سمع الي ما شاف شاف. وين الغيرة وين الشرف وين القيم وين الذوق وين الدين.
0 التعليقات:
إرسال تعليق