خيط الفجر. (٢٦).
اتمنى انام العصر ليلي صبح مثلبه بعيوني خلوا ملح.
فركتهم امعذبه جوى التراب ألصفوا
والباقي صاروا جرح.
مبيوك مني العمر مثل الگمر منسي بس لو يصير الصبح.
شيطاني فكر او شعر
او شينوم المنذبح.
بس انطي ادري اشوكت مره اشعر انه ابربح.
ادفع ضريبة اسم الله الوضع هالصرح.
نص عمري جبته بقهر
وبظهري نابت رمح.
وادري اليذمني بگفه
وگبالي يصبح مدح.
حيرة سمى مغيمه
لا هية تمشي او تمر
لاهية ترعد مطر لاهية ترضى الفلح.
كلمن يريد ال اله
وانه الذي مبتلي
مطلوب عظم او شرح.
انه القبلت الوضع
وادعي الله أكثر بعد من جرح كون الجرح.
لن ماكسرت القلم وقبلت اكظي العمر ميخالف او مايصح.
الناس تطرب غنى وانه اطرب اعلى النبح
والبايك أمن السلف ينكتل
وانه العكس أبيدي افكله السطح.
يعني اني جدا وكح.
كاظيها دمعة او صبر وهواي أحب انجبح.
هالارض جن مو الي اتمنى أطير ابسمى
بس ياهو يصبح جنح.
اتمنى أطير بسمى بس ياهو يصبح جنح.
الشيخ مجيد العقابي.
٢٠١٦/١٢/٢٧
0 التعليقات:
إرسال تعليق