نظرات على الدرب. (٣٨)
المختنك ليلة الجمعة ابيش يفتح مشتهاته او عينه صبخه من الدمع.
ابكثر ما باجي بحياتي اتصور انته عيوني ضعفت بعد ما بيهن نفع.
اي شنهو يستاهل اعوفه امن الحسين او كربلاء لو حيدر او كسر الظلع.
شنهو يستاهل امسحه امن الصدر والصلى جمعه التبجي بعيون الجمع.
اوليش اضمها الحسره كلي الليل والهودج سلاسل تاكل بعمري شمع.
هوايه مشتاك الاحبهم ناموا او خلصوا وحقك وانه وحدي بهالوضع.
الناس مو هيه تراها وخنكه هالدنيا ابهواها مقسمة ربع او ربع.
ياعلي صوتك اسمعه ابليلة الجمعة الرهيبة وبكميل ابكل وضع.
مره اسمع يا الهي لا تعاقبني بعذابك وانته كلك لله صاير.
من تصلي السعف يرجف راسك ايدك بالحصاير.
يالي جلماتك معارف بيهن اتعيد الضماير.
وانته والكوفة قضية نفس للأحيا الشعاير.
طبرتك ناس التضدك اهواي مطلوب العشاير.
واني شفته وكلت انته زاهد او عابد مجاهد وجه صورة امن المناير.
نركض انشم ريحه منه، ياصدرنا، المابقى ويانه او حسافة اوكالوا السيد مسافر.
واحنه ما بطل حلمنا بلكي يرجع هسه يرجع خلصت اليوم او يباجر.
او مثل ما نصرخ يحيدر بالصدر هم شفنا تاجر.
صاروا الشيعة مناصب بالحكومات الجديدة او بالشرع فتحوا جنابر.
اشهد ان عليا في الاذان.
والدمار الصار بينه ابكل مكان.
او من زمان.
ندري بالباكوا وطنا او مانكول
لان محيوكة القضية والشعب صاير سواتر
قسموا حتى المنصة اليغنم ابهالفتره شاطر
واحنه ردينا نصفك بس نعم ونكول حاضر
هاي هيه او حيل بينا او خلصت اوراق الدفاتر
احجاية البطران جنها المايعيش احزان شاعر.
الشيخ مجيد
العقابي.
٢٠١٩/٧/٢٥
0 التعليقات:
إرسال تعليق